За миний өнгөрч байгаа амьдрал маань яг нөгөө савангийн дуурь шиг л байшин дотроо эргэлдээд таардаг да. Ямарч байсан харьцуулаад чадан ядан бичих гээд үзье.
Хөдөө талын бүсгүй маань хөхөөн дуунаар сэрээд өрхөө татахаас эхэлдэг бол
Харин би утасны чичиргээнээр сэрж хөшгөө нээхээс эхэлдэгээ
Бүсгүй маань ардын дуугаа амандаа аялж үнээгээ саахаар хувингаа барин явдаг бол
Би гэдэг хүн ай подоо зүүгээд өвөөгөө угаахаар хувингаа бариад алхана да
Бүсгүй маань цайгаа чанаж нөхрөө хүлээдэг бол
Би сериалаа бэлдэж эмээгээ хүлээнэ
Бүсгүй маань гэрээ цэвэрлэж хүссэнээрээ агаараа амталдаг бол
Би гэдэг хүн гэрээ цэвэрлэчихээд гуйж байж арван минут л салхилна даа
Бүсгүй маань 2 цаг тутамд гүүгээ саадаг бол
Би гэдэг хүн 3 цаг тутамд өвөөгөө хооллоно
Бүсгүй маань оройныхоо үнээг сааж ажил нь дуусдаг бол
Би гэдэг хүн өвөөгөө оронд оруулсанаар ажил маань дуусна
Бүсгүй маань ажлаа дуусаад гэрийнхэнтэйгээ сууж цэнгэдэг бол
Би гэдэг хүн утсаар ярьж блогоороо тэнэж цэнгэдэг дээ
За ингээд бид 2 өдөр тутам яг л нэг ажлаа давтаад байдаг адилхан юм уу даа. Хэхэхэхэхэ
Жаахан утгагүй болчихвуу даа.
ХАЧИН НАМАР өгүүллэг
6 years ago
1 comment:
Sain uu, saihan zohiol bichdeg busgui manaihaar zochiljee. Bayarlasan shuu.
Uguulleguudiig chini durtaiya unshdag.
Uran buteeliin ih amjilt huseye.
Post a Comment